VOV4.Bahnar  - Lơ tơdrong jang mu\k drăm kơ dêh char Đăk Lăk hlôi pơtơm hơto\k kơtang đơ\ng ro\ng kơ đunh khei năr [ơm răm kơlih pơrang j^ COVID-19. Rim anih jang mu\k drăm tơ\ dêh char to\k bo\k oei kơ ‘nôh hơto\k jang te\ch pơdro [ơ\t pơrang j^ roi năr roi đei hơmet klaih. Lơ trong jang ‘nao đei tơle\ch ăn jăl jang hơto\k tơ iung ‘nao kơ tơring.

Lơ\m tơring tơklăh păng ‘nu\ng tơmam drăm kơ hnam kơmăi bơ\ bier Sài Gòn Đăk Lăk  - Anih jang găh bier Sài Gòn tơring To\k bo\k, dôm bơngai jang to\k bo\k hăt hot hơmet tôm tơmam drăm vă pơkăp, ‘nhăk dôm tơmam drăm hlôi đei ‘nu\ng ‘măn keh kong, ‘nhăk truh anih ‘măn tơmam. Lơ tong gre pơtoi băl vih vơ\t lơ\m Hnam kơmăi ăn [ôh tơ\ âu hlôi đei hơmet đơ\ng ro\ng 2 xơnăm [ơm răn kơyuơ đơ\ng pơrang j^ COVID -19. ‘Nho\ng Lại Thế Nguyên, jang lơ\m hnam kơmăi bier Sài Gòn Đăk Lăk ăn tơbăt, đơ\ng ro\ng kơ Têt Nguyên Đán 2022, rim tơdrong jang kơ hnam kơmăi hlôi đei hơmet je# 80% tơdrong pơm jang, bơngai jang chôt vih pơm jang xơđơ\ng păng tôm kang [o# bơngai jang lơ\m ko\ng ti to\k bo\k adrin pơlong keh đang pơkăp pơm jang mă Ko\ng ti tơle\ch: “’Nho\ng oh jang atu\m hăm tôm kang [o# bơngai jang kơ Ko\ng ti kho\m mă jang tơnăp xơnong pơjao đơ\ng Ko\ng ti tơm tơle\ch duh nhen pơm tơle\ch lơ tơmam drăm kơ Ko\ng ti. Adrin lơ\m xơnăm âu gô keh đang xơnong pơjao păng đei jơnei tơnăp hloh kơ xơnăm xơ\”

Ko\ng ti jang chơ pơdu\ tơmam drăm An Phước, Đăk Lăk duh hlôi găn hloh khei năr tơnap tap hloh, hăm 107 rơbâu ta#n tơmam drăm hlôi đei chơ pơdu\ lơ\m 3 khei blu\ng xơnăm. {ok Phạm Đông Thanh, Kơdră Ko\ng ti chơ pơdu\ tơmam drăm  An Phước, Đăk Lăk ăn tơbăt: dang ei Ko\ng ti hlôi đei 100% tơdrong yua khul gre. Atu\m hăm dôm pơkăp chơ tơmam đơ\ng tơmoi hlôi juăt, Ko\ng ti hlôi io\k đei lơ tơdrong pơkăp đơ\ng anih nai. {ok Thanh akhan, tơdrong đei jơnei âu kơyuơ jơnu\m pơgơ\r Ko\ng ti hlôi xek tơlang tơnăp tơdrong ưh đei hơto\k jên chơ pơdu\ tơmam mă lei duh oei vei xơđơ\ng tơdrong pơyua kơ Ko\ng ti lơ\m khei năr kơjă đak xăng păng lơ tơmam drăm nai hơto\k kơjă hơnơ\ng: “Nhôn adoi tơle\ch trong jang, chơ chă lơ anih axong jang vă gơh đei axong tơmam drăm ăn anih jang mu\k drăm pơm jang xơđơ\ng. ‘Nguaih kơ noh nhôn duh tơle\ch dôm trong jang mong [iơ\ đak xăng, mă kăl nhôn adrin tơguăt atu\m tơmam drăm vă tang găn kơdâu gre hoh. Tơdrong đei lơ tơmam chơ pơdu\ vih vơ\t gô adrin đei lơ hloh vă tang găn huach đak xăng kơyuơ gre kơdâu hoh”

Găn ga khei năr tơnap tap hloh, tơdrong erih tơpôl tơ\ Đăk Lăk dang ei duh pơtơm hăt hot. Tơdrong anat đơ\ng pơrang j^ pă đei oei [ơ\t tôm ho\k tro hlôi năm ho\k tơ\ hnam trưng, dôm hnam pơgang tơdăng hlôi keh đang xơnong jang păng chôt vih hăm tơdrong jang kơdih kơ dôm anih pơtho pơhrăm. Lơ\m tơdrong hăt hot noh, tơdrong jang tơmang pơhiơ\\ đei hơto\k jơhngơ\m pran vă vơ\ pran... Yă Nguyễn Thụy Phương Hiếu, Pho\ Kơdră Anih Joh ayo\ Tơplo\ng kơdâu păng Tơmang pơhiơ\ dêh char Đăk Lăk ăn tơbăt, tơdrong vơ\ pran kơ jang tơmang pơhiơ\ Đăk Lăk đei gơnơm lơ\m dôm trong chă tơbang tơmang pơhiơ\ tơ\ tơring hơbe\ch hơbal, đei jơnei đơ\ng dôm tơdrong tơroi tơbăt pơre nơ\r.

Gơnơm đơ\ng tơdrong tơroh, pơih xă dôm um ai tơmang pơhiơ\ păng gơnơm dôm tơdrong adrin kơ ‘nôh lơ\m te\ch pơdro, pơm jang ‘nao tơmam drăm tơmang pơhiơ\ kơ rim anih jang mu\k drăm: “Inh jang tơroi tơbăt lơ\m 2 xơnăm kơ âu noh lơ păng kơtang noh tơmoi tơmang đe [ôh đei um ru\p kơ Đăk Lăk păng đe băt hơdăh um ai po noh mưh đe rơih truh hăm Đăk Lăk ăh khei Têt păng khei yôk Yă {ok dơnơm Hùng Vương noh đe truh lơ păng dang ei duh đei tơdrong hơmet găh kơso# tơmoi păng dôm anih jang mu\k drăm to\k bo\k oei adrin lơ\m tơdrong chă tơmoi tơguăt hăm dôm tơring. Vă hơto\k tơmoi đơ\ng teh đak truh hăm Đăk Lăk noh ba jang hadoi pran hloh hăm Khánh Hòa, Đà Nẵng.”

Vă pơm kiơ\ pơkăp hơmet mu\k drăm – tơpôl xơnăm 2022-2023, yơ\ng âu ki Anih vei lăng kon pơlei dêh char Đăk Lăk hlôi tơbang Tơdrong Hơmet păng hơto\k mu\k drăm – tơpôl xơnăm 2022-2023, lơ\m noh tơre\k truh tơchơ\t hơmet tenh dôm tơdrong jang, te\ch pơdro lơ\m dêh char, hơto\k dôm tơdrong hơto\k tơ iung; tơre\k adrol minh [ar tơdrong jang kăp g^t, vei xơđơ\ng dôm tơchơ\t jang mu\k drăm – tơpôl hlôi tơle\ch. {ok Nguyễn Đình Trung, jang lơ\m trung ương Đảng, {^ thư anih jang kơpal dêh char Đăk Lăk ăn tơbăt: “Dêh char to\k bo\k tơle\ch tơdrong pơkăp dêh char duh nhen pơkăp trong yua teh, pơkăp dôm tơring hơto\k tơ iung. Vei xơđơ\ng, tơguăt hăm tơdrong axong jang tơ\ dêh char noh đe đei trong vă hơlen păng đe hơlen tơchơ\t axong jang. Mă 2 noh tơguăt đơ\ng dôm anih axong jang lơ\m tơdrong pơm jang, âu duh jing xơnong jang kơ dêh char, dêh char duh athei tơle\ch pơm kiơ\ tơroh đơ\ng dôm anih axong jang lơ\m tơle\ch pơm jang. Mă 3 noh te\ch tơle\ch tơmam drăm duh nhen tơguăt hăm ko\ng ng^p pơm tơle\ch tơnăp păng dôm tơdrong pơkăp anih pơm jang. Lơ\m xơnong pơkăp jang duh nhen xơnong jang kơ tơring, dêh char gô pơm trong jang hiôk hloh”

{ơ\t Tơbăt ‘năr đei Jơnei tơring pơbăh păng ‘Năr apu\ng plenh teh pơm jang, Đăk Lăk roi xơng đei lơ tơdrong hơ iă găh mu\k drăm, tơmoi truh tơmang [enh khăch sạn, dôm anih pơchơt pơxuh tơmang. Dôm anih jang ko\ng ng^p tơ\ dêh char to\k bo\k oei pơih ‘măng xơng bơngai jang; te\ch tơmam ăn teh đak đe pơtoi to\k pran đơ\ng ro\ng kơ đei yua kơjung truh 1 tih đôlar ăh xơnăm 2021. Dôm groi teh tơm vaih, tơm jrang to\k bo\k ăh pơyan pe\ yua hăm tơdrong pơyua lơ păng kơjă te\ch kăp, to\k bo\k oei pơjing tơdrong jang tơgu\m ăn kon pơlei xơđơ\ng jơhngơ\m choh pơtăm... Dôm gru kơnăl hơ iă noh to\k bo\k oei pơih ăn tơdrong hơmet, hơto\k mu\k drăm kơ Đăk Lăk.

Lan chih păng pơre nơ\r