VOV4.Bahnar - Pơ gê 11/1, tơ̆ Hà Nội, Anih jang tơ bôl Trung ương pơ gơ̆r hop akŏm pơ tôch tơ drong jang sơ năm 2021 păng tơ lĕch trong jang lơ̆m sơ năm 2022. Lơ̆m sơ năm âu ki, mă đơ̆ng tơ ƀâp lơ mơ mat tat mư̆h bơ̆ jang tơ bôl, mă lei Anih jang tơ bôl kơ Trung ương hlôi jang ‘lơ̆ng dôm tơ drong jang kiơ̆ hơ năp jang kơ dih.

Sơ năm 2022, Anih jang tơ bôl kơ Trung ương chih hơ dăh tơ drong jang chinh trĭ vă bơ̆ jang hơ drol ‘nŏh tơ lĕch jang tơ drong Tơ chơ̆t 32 đơ̆ng 2021-2025 hlôi đei Ban Bí thư kĭ ăn; Tơ drong tơ chơ̆t đơ̆ng Ban Bí thư găh tơ drong jang tơ bôl kơ kon pơ lei vă pơm hơ tŏk tơ drong đei yoa đơ̆ng 2 tơ drong jang tơm ‘nŏh jang tơ bôl kơ Đảng păng jang tơ bôl kơ kon pơ lei. Anih chĕp kơ̆l hơ nơ̆ng hơ tŏk hlŏh dơ̆ng trong jang roi tơ ƀôh, chih pơ jing dôm tơ drong jang tơ bôl ăn kơ dră chĕp kơ̆l tơm kơ Trung ương Đảng vă roi tơ ƀôh, hơ len năng trong jang tơ bôl, chih tơ mât lơ̆m trong jang tơ bôl đunh đai, gĭt kăl.

Dơ̆ng: Tơ blơ̆