Tơgop nơ̆r gah tơdrong ou, Kơdră Kuô̆k hô̆i Trần Thanh Mẫn drơ̆ng nơ̆r hăm tơroi hơlen đơ̆ng Anih jang Vei lăng sơđơ̆ng tơpôl păng Jang Tơbôl adoi oei vei hơnăn krao so; atŭm hăm noh akhan, chih akŏm tơbang luơ̆t lơ̆m tơdrong oei kăl dang ei, lơ̆m khei năr tơdrong pơm glăi gah cham char tŏk bŏk oei ƀôh lơ, hli hlơt, pơrăm truh jơhngơ̆m jăn kon pơlei, tơdrong hơtŏk tơ-iung kơjăp sơđơ̆ng păng vei sơđơ̆ng tơpôl tơnăp.

Kơdră Kuô̆k hô̆i tơrĕk, athei drơ̆ng minh jơnŭm pơgơ̆r jang kiơ̆ pơkăp 'nao nhen: hơmet tơchơ̆t pơjao sơnong pơgơ̆r hơdrol ki noh apŭng ăn kơ xah dah mă anih jang kanh sat vei lăng cham char dêh char, hăm pơkăp tơgŭm kih thuơ̆t kơmăi kơsô̆ vă vei sơđơ̆ng tơdrong hơlen tơ̆ tơring, hơmet dôm tơdrong vă khul kanh sat vei lăng cham char tơ̆ hơnih jang kŏng an xah, akŏm hơlen tơ̆ tơring, vă tơjur ƀiơ̆ hơnih kơƀah, hơtŏk tơnăp tơdrong sek tơlang tơ̆ tơring.