VOV4.Bahnar - Pơ gê ‘năr 13/1, tơ̆ Hà Nội, Anih krao hơ vơn kon pơ lei Trung ương pơ gơ̆r hop akŏm trực tuyến lơ̆m teh đak pơ tôch tơ drong jang krao hơ vơn kon pơ lei păng hơ len lăng pơ tôch jang kiơ̆ sơ năm “Tŭn pran jang kiơ̆ trong jang kon pơ lei pơm tơm tơ̆ tơ ring” sơ năm 2021, tơ lĕch jang hơ năp jang sơ năm 2022. Bơ ngai jang lơ̆m Anih tơm Chĭnh trĭ, chĕp kơ̆l pơ gơ̆r Ban Bí thư Võ Văn Thưởng vang akŏm păng pơ gơ̆r hop akŏm. Pơ ma pơ gơ̆r tơ̆ hop akŏm, ƀok Võ Văn Thưởng athei anih jang krao hơ vơn kon pơ lei kăl kơ chăng băt hơ dăh, tơ roi tơ băt tơ tom đon tơ chĕng, pơ hơi ‘meh vă trŏ ƀlep đơ̆ng kon pơ lei ăn kơ dră đảng, kơ dră tơ ring set hơ len hơ met pơ ‘lơ̆ng, mă loi ‘noh dôm tơ drong ƀơm kơ tă truh tơ drong arih sa, tơ drong jang, iŏk yua kơ kon pơ lei. Hơ dai hăm ‘noh kăl kơ hlôh vao gĭt kăl, tôm hloh tơ drong jang “Kon pơ lei ‘noh tơm”, hơ tŏk jơ hngơ̆m pran đơ̆ng kon pơ lei, jơ hngơ̆m pran tơ goăt tơ goăl đĭ đăng hơ drĕch hơ drŭng. Tŭn pran tơ drong jang pơ jei băl “ Krao hơ vơn kon pơ lei hơ gei” đơ̆ng khŭl jang chĭnh trĭ, vei sơ đơ̆ng ‘lơ̆ng, đei yua.

Thuem: Tơ blơ̆