VOV4.Bahnar - Pơ gê 31/5, Khul dăr hơlen kơ sô̆ 4 đơ̆ng Anih pơ gơ̆r jang kơ Trung ương găh tang găn tơ drong xa pơ jĭp, pơm glăi bơ̆ jang hăm Anih jang đảng dêh char Dak Lak, roi tơ băt tơ drong tơ chơ̆t hơ len năng tơ drong kơ dră chĕp kơ̆l pơ gơ̆r bơ̆ jang, sơng iŏk, chă ƀôh, sek tơ lang tơ drong tơ kêng, nơ̆r tơ roi găh tơ drong yoch, athei tơ kêng dôm tơ drong pơm glăi găh xa pơ jĭp, pơ gâm mŭk drăm.

Jơ oei bơ̆ jang

Kiơ̆ trong jang, Khul vă bơ̆ jang tơ păt hăm Khul kơ dră chĕp kơ̆l đảng dêh char păng hơ len năng tơ̆ 4 anih đei Anih jang đảng plt Buôn Ma Thuột, Anih tơ kêng kon pơ lei dêh char, Công an dêh char, Anih dăr hơ len kơ dêh char găh dôm tơ drong: chĕp kơ̆l pơ gơ̆r anih jang đảng tơ̆ tơ ring, dôm khul jang đảng hăm tơ drong pơ truh, sơng iŏk, sek tơ lang nơ̆r tơ kêng găh tơ drong yoch, akŏm lơ̆m dôm tơ drong ƀônh đei xa pơ jĭp, pơm glăi; tơ drong chă ƀôh, pơ truh nơ̆r tơ băt găh tơ drong pơm glăi ăn anih jang kơ pal, mă loi hăm dôm tơ drong ƀônh đei xa pơ jĭp, pơm glăi; tơ drong jang hơ doi đơ̆ng dôm anih jang kơ pal mưh chă ƀôh, pơ truh, sơng iŏk, sek tơ lang dôm nơ̆r tơ roi găh tơ drong pơm glăi; sek tơ lang tơ drong tơ kêng, dôm tơ drong pơm glăi luơ̆t… 

Khei ‘năr hơ len năng đơ̆ng ‘năr 01/01/2011 truh ‘năr 31/12/2021 păng dôm nơ̆r tơ kêng, nơ̆r roi tơ băt găh tơ drong yoch, nơ̆r athei tơ kêng, nơ̆r athei hơ len năng adrol kơ ‘năr 01/11/2011 mă lei tam mă sek tơ lang kĕh. 

Dơ̆ng: Tơ blơ̆