VOV4.Bahnar - Pơ gê ‘năr 2/6, Khŭl bơ̆ jang kơ sô̆ 3 kơ Anih pơ gơ̆r jang Trung ương găh tang găn sa pơ jĭp, ưh kơ ‘lơ̆ng bơ̆ jang hăm Khŭl chĕp kơ̆l Anih jang Đảng dêh char Quảng Ninh vă tơ lĕch trong jang đơ̆ng Anih pơ gơ̆r jang. Tơ drong hơ len lăng akŏm lơ̆m tơ drong chĕp kơ̆l, pơ gơ̆r bơ̆ jang kiơ̆ tơ drong jang chă ƀôh, pơ jao, sơng iŏk, sek tơ lang tơ drong tơ kêng, tơ roi găh pơm yoch, athei tơ kêng yoch dôm tơ drong  đei ƀôh pơm yoch găh sa pơ jĭp, mŭk drăm ưh kơ ‘lơ̆ng păng tơ drong jang hơ len lăng kơ jă mŭk drăm lơ̆m sek tơ lang dôm tơ drong yoch, tơ drong sa pơ jĭp, mŭk drăm, ưh kơ ‘lơ̆ng.

‘Moi kiơ̆ hơ len lăng vă lăng pơ tôch iŏk đei, dôm tơ drong oei ưh kơ ‘lơ̆ng, tơ drong tơm pơm ăn lơ̆m chĕp kơ̆l, pơ gơ̆r bơ̆ jang kiơ̆ đơ̆ng rim kơ dră đảng, anih jang đảng păng anih jang kơ pal. Kiơ̆ đơ̆ng noh, chă ƀôh, athei hơ met pơ ‘lơ̆ng dôm tơ drong đei ƀôh pơm yoch găh sa pơ jĭp, ưh kơ ‘lơ̆ng.

Thuem: Tơ blơ̆