VOV4.Bahnar - Bơ̆ jang kiơ̆ tơ drong Hơ găt 120 đơ̆ng Khul kơ dră tĕh đak, sơ năm hŏk 2022-2023, Anih vei lăng pơ tho pơ hrăm dêh char Kon Tum pơ gơ̆r hơ met ming, athei năm jang, tơ plĭh lơ kăn ƀô̆ bơ̆ jang vă hơ met pơ ‘lơ̆ng tơ drong ưh kơ lăp păng hơ met pơ ‘lơ̆ng khul bơ ngai vei lăng dôm hnam trưng THPT.

Anih vei lăng pơ tho pơ hrăm Kon Tum pôk pơ ư đe thây kô pơ tho rơ gei sơ năm hŏk 2021-2022

Mă hơ dăh hăm 8 hnam trưng THPT đei kơ sô̆ Phŏ Hiê̆u trơng lơ ƀiơ̆ pơ têng hăm tơ drong hơ găt ‘nŏh 2 ‘nu, Anih vei lăng pơ tho pơ hrăm dêh char Kon Tum tơ plih 4 ‘nu Phŏ Hiê̆u trơng ăn năm jang tơ̆ dôm hnam trưng ‘nao đei 1 ‘nu Phŏ Hiê̆u trơng; 4 ‘nu bơ ngai pơm hla ar apinh pơ dơ̆h iŏk jang kơ chư̆k păng 1 ‘nu bơ ngai đei pơ gơ̆r tăh kơ phĭu srĕp athei pơ dơ̆h jang pơm Phŏ Hiê̆u trơng.

Anih vei lăng pơ tho pơ hrăm dêh char Kon Tum, ăn tơ băt, tơ drong hơ met ming, athei năm jang, tơ plih kăn ƀô̆ vei lăng dô̆m hnam trưng THPT oei hơ nơ̆ng bơ̆ jang vă hơ met pơ ‘lơ̆ng dôm tơ drong ưh kơ lăp, vei sơ đơ̆ng khul chĕp kơ̆l pơ gơ̆r păng tưk tơ iung tôch ai đon rơ gei đơ̆ng rim kăn ƀô̆ vei lăng hnam trưng.

VOV Tây Nguyên/Dơ̆ng tơ blơ̆