VOV4.Bahnar - Kơ sơ̆ 3/6, Anih tơm vei lăng Công an pơ gơ̆r hop akŏm pơ tôch, hơ len năng dôm tơ drong jang đei đơ̆ng pơ jing công an xăh, thĭ trơ̆n chính quy. Pơ ma pơ tôch hop akŏm, Ƀok Kơ dră Tô Lâm tơ chĕng ‘lơ̆ng dôm tơ drong jang đei mă khul linh công an xăh, thĭ trơ̆n iŏk đei lơ̆m khei ‘năr âu ki. Lơ̆m nŏh tơ drong jang vei lăng tĕh đak găh tơ drong sơ đơ̆ng đei bơ̆ jang roi ‘lơ̆ng ƀiơ̆, lăp hăm tơ drong hơ găt đơ̆ng luơ̆t.

Ƀok Kơ dră Tô Lâm pơ ma lơ̆m jơ hop akŏm

Ƀok Kơ dră Tô Lâm ăn tơ băt, tơ̆ hơ năp kơnh, Anih jang Đảng Công an Trung ương vă tơ lĕch tơ drong tơ chơ̆t hơ nơ̆ng hơ tŏk tơ drong jang pơ jing Công an xăh, thĭ trơ̆n chính quy lơ̆m chăl ‘nao vă hơ tŏk tơ drong jang pơ jing Công an xăh, thĭ trơ̆n chính quy tôm tơ drong, rơ đăh rơ đong păng đei tôm tơ mam kăl… kĕ sek tơ lang dôm tơ drong ƀơm truh tơ drong sơ đơ̆ng đơ̆ng blŭng păng kơ tă tơ̆ tơ ring hloi; khŏm bơ̆ jang pơ jing Công an xăh, thĭ trơ̆n kŭm hăm khul linh Công an kon pơ lei jơ̆p tơ ring rơ gŏh ‘lơ̆ng, pran kơ jăp, chính quy, gơ̆h hơ gei pơm lăp hăm tơ drong ‘mĕh vă păng tơ drong jang lơ̆m chăl ‘nao.

Dơ̆ng: Tơ blơ̆