VOV4.Bahnar - Anih tơm vei lăng Công an đei tơ drong tơ chơ̆t pôk yă Trung tá Ksor H’Bơ Khắp - Kơ dră chĕp kơ̆l Công an thĭ xăh Ayun Pa pơm Phŏ Kơ dră Công an dêh char Gia Lai.

Trung tá Ksor H' Bơ Khắp (rup VTC)

Kiơ̆ tơ drong tơ chơ̆t đơ̆ng Anih tơm vei lăng Công an, Trung tá Ksor H’Bơ Khắp đei pôk hơ tŏk đơ̆ng ‘năr 18/8/2022. Trung tá Ksor H’Bơ Khắp rơ nĕh sơ năm 1982, đei hơ năn juăt krao ‘nŏh Ksor Phước Hà, peli tơ̆ xăh Ia Trok, apŭng Ia Pa, dêh char Gia Lai, Hŏk đang Đại học An ninh Nhân dân, hŏk thak si luơ̆t.

Adrol đei pôk pơm Phŏ Kơ dră Công an dêh char Gia Lai, Trung tá H'Bơ Khắp hlôi iŏk jang kơ chư̆k pơm Phŏ kơ dră Công an Thĭ xăh Ayun Pa. Đơ̆ng sơ năm 2016 truh 2021, yă H'Bơ Khắp pơm Bơ ngai tang măt Kuô̆k hô̆i Việt Nam, jăl XIV, găh Khul tang măt Kuô̆k hô̆i dêh char Gia Lai; pơm Kơ dră chĕp kơ̆l Công an Thĭ xăh Ayun Pa (đơ̆ng sơ năm 2019 truh khei 8/2022).

Dơ̆ng: Tơ blơ̆