VOV4.Bahnar - ‘Năr 10/6, tơ̆ pơ lei tơm Đà Nẵng, Anih tơm vei lăng găh pơ tho pơ hrăm pơ gơ̆r tơ lĕch jang tơ drong jang hŏk glơi sơ đơ̆ng, tang găn glơ̆k kơ đak păng pơ gơ̆r Pơ long glơi hŏk tro phô thŏng teh đak sơ năm 2022. Pơ long pơ gơ̆r đơ̆ng ‘năr 8 - 13/6 hăm tơ drong vang pơ long đơ̆ng 700 ‘nu hŏk tro tơ̆ 26 dêh char, pơ lei tơm lơ̆m teh đak. Mă đơ̆ng tơ drong glơ̆k kơ đak tơ̆ teh đak bơ̆n đei ƀôh tơ jur ră mă lei rim sơ năm oei đei dang 2.000 ‘nu lôch, lơ hloh lơ̆m tơ ring Đông Nam Á păng lơ hloh 8 ‘măng dôm teh đak pơ drŏng. Sơ năm 2022, Anih tơm vei lăng găh pơ tho pơ hrăm hlôi athei chih pơ keh hla ar pơ tho pơ hrăm tang găn glơ̆k kơ đak, dôm hla ar kăl, phim tơ roi tơ băt, pơ tho tang găn glơ̆k kơ đak ăn hŏk tro. Hơ dai hăm pơ gơ̆r pơ hrăm ming tơ drong jang găh tang găn glơ̆k kơ đak, pơ tho glơi, dŏng glơ̆k kơ đak sơ đơ̆ng ăn kơ 400 kang ƀô̆, thây kô pơ tho glơi tơm kơ 63 Anih vei lăng găh pơ tho pơ hrăm.

Thuem: Tơ blơ̆