VOV4.Bahnar - Hơ nơ̆ng bơ̆ jang lơ̆m hop akŏm atŭm mă 4, ‘năr 26/8, tơ̆ plt Buôn Ma Thuột, dêh char Dak Lak, Anih vei lăng hơ drĕch kon kông kơ Kuô̆k hô̆i pơ gơ̆r pơ ma nuh, iŏk nơ̆r tơ gop đơ̆ng bơ ngai tang măt Kuô̆k hô̆i găh Luơ̆t tĕh (oei chih hơ met ming) vă hơ nhăk set hơ len tơ̆ hop akŏm ‘măng mă 4, Kuô̆k hô̆i jăl XV. 

Anih vei lăng hơ drĕch kon kông kơ Kuô̆k hô̆i hôp tơ̆ plt Buôn Ma Thuột

Tơ gop nơ̆r ăn Luơ̆t tĕh oei chih hơ met ming, dôm bơ ngai tang măt akŏm pơ ma găh dôm tơ drong ƀơm truh tơ ring kon kông păng groi kông. Tơ̆ jơ pơ ma nuh, dôm bơ ngai tang măt oei tơ lĕch lơ nơ̆r athei găh tơ drong hơ găt hăm Hla ar chih tĕh bri ‘long pơ tăm, bri ‘long tang găn sar bar, bri ‘long kơ drơ̆ng mưh pơ jao ăn tơ pôl kon pơ lei; tơ drong gơ̆h jang păng hơ năp jang đơ̆ng kon pơ lei hăm tĕh; trong hrŭ ‘mong hiong răm găh tơ mam, pơ dơ̆h jang xa, tĕch mơ dro mưh tĕh đak iŏk pơ dreu tĕh.

Dơ̆ng: Tơ blơ̆