VOV4.Bahnar - Tơ̆ hơ năp tơ drong hiơ̆ hyĭn lơ̆m tơ drong hrŭ ‘mong ăn dôm unh hnam ƀơm ưh ‘lơ̆ng tơ̆ tơ ring tơ ter dơ nâu đak Hnam kơ măy unh điên Đăk Psi 5, Anih vei lăng jang kơ măy, tĕch mơ dro Kon Tum athei dôm tơ ‘ngla tơ mât jên jang ‘nŏh Công ty jang hơ doi Đức Thành Gia Lai jăh kla jên tơ gŭm ăn dôm unh hnam kon pơ lei ƀơm kơ nê̆ adrol kơ ‘năr 30/6/2022, tơ dăh ưh Anih âu vă roi tơ băt ăn Dơ nŏ anih vei lăng kon pơ lei dêh char athei Công ty tơm jang unh điên Tơ ring Tŏk bŏk lê̆ pă răt iŏk unh điên đơ̆ng hnam kơ măy âu. 

Mĭnh pơ gar chĕh phe ƀơm ưh ‘lơ̆ng tơ ter dơ nâu đak Hnam kơ măy unh điên Đăk Psi

Tơ drong tơm pơm hiơ̆ hyĭn mưh hrŭ ‘mong ăn dôm unh hnam tơ ter dơ nâu đak Hnam kơ măy unh điên Đăk Psi 5 kiơ̆ Anih vei lăng jang kơ măy, tĕch mơ dro dêh char Kon Tum ‘nŏh yoa: Công ty jang hơ doi Đức Thành Gia Lai oei đei nơ̆r akhan kơ lih yoa tŏ ‘mi kial kơ nê̆ păng dôm hnam kơ măy găh tu ưh đei đon jang hơ doi ‘lơ̆ng, vă hơ len năng chih jô̆ hiong răm tơ lĕch trong hrŭ ‘mong, tơ gŭm ăn unh hnam kon pơ lei kiơ̆ tơ drong hơ găt vă pơm sơ đơ̆ng tơ drong jang xa kơ na jing đei tơ drong pơ dui đunh.

Dơ̆ng: Tơ blơ̆