VOV4.Bahnar - Anih vei lăng kon pơ lei kơ pơ lei tơm Đà Lạt, dêh char Lâm Đồng ‘nao đei hla ar tơ roi tơ băt, apĭnh Anih vei lăng kon pơ lei dêh char Lâm Đồng set hơ len ăn phep kơ chơ gơ măng Đà Lạt bơ̆ jang hơ lơ̆k dơ̆ng đơ̆ng rŏng hloh 8 khei pơ dơh yua kơ jĭ Covid-19. Vă vei sơ đơ̆ng lơ̆m tơ drong jang tang găn jĭ Covid-19, kơ chơ gơ măng Đà Lạt hlôi pơ dơh bơ̆ jang đơ̆ng ‘năr 03/05/2021 truh dang ei. Kiơ̆ đơ̆ng pơ dơh đunh, tơ drong arih sa mŭk drăm kơ dôm ŭnh hnam tĕch mơ dro tơ̆ kơ chơ tơ ƀơ̆p tôch mơ mat tat. Tơ̆ hơ năp tơ drong tơ pă yan âu ‘nâu, vă tơ lĕch jang đei iŏk yua hơ dai lơ̆m tơ drong hmă.... Anih vei lăng kon pơ lei kơ pơ lei tơm Đà Lạt tơ roi tơ băt, athei Anih vei lăng kon pơ lei dêh char Lâm Đồng set hơ len ăn phep kơ chơ gơ măng Đà Lạt bơ̆ jang hơ lơ̆k hmă dơ̆ng, dăh mă bơ̆ jang đei tơ drong ‘lơ̆ng găh tang găn jĭ... Hơ drol ‘noh, tang măt hloh 200 ŭnh hnam tĕch mơ dro tơ̆ kơ chơ gơ măng Đà Lạt hlôi đei hla ar apĭnh gơ̆ih kơ Anih vei lăng kon pơ lei kơ pơ lei tơm Đà Lạt athei khŭl kơ dră ăn phep kơ chơ gơh tĕch mơ dro hơ lơ̆k dơ̆ng lơ̆m năr têt Nguyên đán Nhâm Dần 2022.   

Thuem: Tơ blơ̆