Rim bơngai tang măt bơnê kơ dôm tơdrong 'nao kăp gĭt nhen kăt tơjur, pơm hiôk hla bar pơm jang, pơm kơđeh păng pơm hơdah tơdrong tơlĕch jang athei pơm kiơ̆ tơchơ̆t asong jang, pơm hơdah tơdrong jang tĕch pơdro thoi pơkăp, hơtŏk kơtang tơdrong asong pơgơ̆r, tơlĕch tơchơ̆t asong jang ăn Thủ tướng teh đak păng Kơdră Anih jang vei lăng kon pơlei dêh char.

Tơgop nơ̆r lơ̆m chih akŏm, rim bơngai tang măt drơ̆ng nơ̆r hăm tơdrong chih hơmet pơkăp kâ̆m tĕch răt hơ̆t điê̆n tưh păng hơ̆t đing, atŭm hăm noh athei chih hơmet hơyuh N2O (pơm hiĕk) păng dôm kơchơ̆t dư 'nao tơmơ̆t lơ̆m hơnăn tơdrong jang kâ̆m tĕch răt, vă vei lăng tơpôl. Tơdrong chih akŏm đei lơ bơngai tang măt tơrĕk truh noh gah tơdrong asong jang păng ră hơdah tơdrong kăl athei tơklah băt hơdah đơ̆ng tơdrong asong păng tơgŭm. Asong jang kăl akŏm tơnăp hloh lơ̆m dôm trong tơlĕch jang, asong hơdrol gah jang mŭk drăm kơ̆l 'ngok păng kơmăi kơmŏk 'nao hơgei.