VOV4.Bahnar - Năr 4/5, Dơnŏ anĭh tơm vei lăng Hnam trương pơtho pơhrăm pơtrŭh nơ̆r ăn Kơdră chĕp pơgơ̆r Dơnŏ anĭh vei lăng Hnam trương pơtho pơhrăm găh tơdrong atŏk kơtang tang găn hơ iŏh, hŏk tro glơ̆k kơ đak. Nơ̆r tơchơ̆t đơ̆ng Dơnŏ anĭh tơm vei lăng Hnam trương pơtho pơhrăm athei Dơnŏ anĭh vei lăng hnam trương pơtho pơhrăm rim dêh char pơlei tơm hơnơ̆ng pơrô̆ jang, tơlĕch jang kơ jăp rim hla bơar pơrô̆ jang đơ̆ng Thủ tướng tĕh đak, Kơdră chĕp pơgơ̆r Dơnŏ anĭh tơm vei lăng Hnam trương pơtho pơhrăm găh tang găn sar bar rơka, tang găn glơ̆k kơ đak trŭh hăm rim hnam trương, lăm hŏk hơdrol kơ hŏk tro pơdơ̆h hŏk; atŏk kơtang pơtho glơi, pơtho ăn trong vei lăng sơđơ̆ng ăn hŏk tro lơ̆m hnam trương. Pơrô̆ atŏk kơtang hlŏh dơ̆ng bơ̆ jang hơdoi ƀar păh hnam trương hăm ŭnh hnam, khŭl jang hăm kơdră tơring vă vei lăng năng tông hŏk tro lơ̆m khei ‘năr pơdơ̆h hŏk, sơđơ̆ng ‘lơ̆ng, tang găn glơ̆k kơ đak.

Tơblơ̆ nơ̆r: Amazưt