VOV4.Bahnar - Tơdrong vă jang “Atŏk kơtang kĕ jang tĕch mơdro tơmam drăm tơ̆ tĕh đak đe ăn hơnĭh mơdro sa păh ai păng iĕ tơmam drăm găh ƀŏh hơmrĕ, ‘nhot, plei ‘long Việt Nam” gô tơgop ‘lơ̆ng hơ iă trong jang tĕch mơdro tơ̆ tĕh đak đe rim tơmam drăm chŏh jang sa, ‘long, ka hơdang iŏk đei hlŏh 50 ti dolar lơ̆m sơnăm 2025 păng ba tĕh đak bơ̆n jing tĕh đak tech mơdro tơmam drăm tơ̆ tĕh đak đe ‘lơ̆ng hlŏh lơ̆m tơring ASEAN păng lơ̆m apŭng plĕnh tĕh. ‘Nau kơtơ̆ng ang đei pơma tơlĕch tơ̆ Hop akŏm Iung jang Tơdrong vă jang “Atŏk kơtang kĕ jang tĕch mơdro tơmam drăm tơ̆ tĕh đak đe ăn hơnĭh mơdro sa păh ai păng iĕ tơmam drăm găh ƀŏh hơmrĕ, ‘nhot, plei ‘long Việt Nam” đei Jơnŭm Mơdro sa păng Kmăi kmŏk Việt Nam (VCCI) jang hơdoi hăm Oxfam pơgơ̆r pơgê năr 6/5, tơ̆ Hà Nội. Tơ̆ hop akŏm rim kơdră tang măt akhan, tĕch mơdro tơ̆ tĕh đak đe ‘nhot plei ‘long ‘nŏh mĭnh trong jang ‘lơ̆ng ăn hơnih mơdro sa păng hơnhăk đei iŏk yua kơ jăp, mă lei tim mă pơgĕnh đĭ rim tơdrong rơvơn. Kơ yuơ lơ lŏh, tĕch mơdro tơ̆ tơring EU oei lăp tŏ sĕt sot. Tơdrong vă jang au lăng trŭh tĕch mơdro tơ̆ rim tĕh đak Jơnŭm atŭm châu Âu (EU) ăn rim hơnih kơdro sa iĕ păng păh ai găh tơmam drăm ƀŏh hơmrĕ, ‘nhot, plei ‘long; tơgŭm djru tơchă đei hơnĭh tĕch răt păng đei pơma dơnŭh hăm păh jang hơdoi vă pơtrŭt kơtang rim rơvơn tĕch mơdro; atŏk kơtang kĕ jang kơ hơnih păng ư ang kơ rim tơmam drăm chŏh jang sa kơ Việt Nam.

Tơblơ̆ nơ̆r: Amazưt