VOV4.Bahnar - Pơgê năr 15/7, Ban Tuyên giáo Trung ương pơgơ̆r Hop akŏm pơtôch bơ̆ jang 6 khei blŭng sơnăm păng tơlĕch 6 khei hơtuch sơnăm.

Rup hop akŏm

6 khei au ki Ban Tuyên giáo Trung ương hlôi tơlĕch 20 tơdrong vă jang, hơlen pơtôch jang kiơ̆ rim Tơdrong tơchơ̆t, Nơ̆r athei jang kiơ̆, nơ̆r pơma pơtôch đơ̆ng Trung ương; pơjing 6 Tơdrong vă jang tơbăt Bơ̆ jang Chĭnh trĭ, Ban Bí thư; jang tơgŭm ăn Dơnŏ anĭh tơm Chính trị, Ban Bí thư păng pơgơ̆r jơnei rim ‘măng Hop akŏm chă tơchĕng hơlen, hŏk pơhrăm, tơlĕch jang kiơ̆ rtim tơdrong tơchơ̆t, nơ̆r athei jang kiơ̆, nơ̆r pơma pơtôch đơ̆ng Trung ương Jăl 13. Adoi pơrô̆ pơtho tơbăt lơ̆m Hơnĭh jang Tuyên giáo atŏk kơtang bơ̆ jang tơ iung pơjing Đảng găh chĭnh trĭ, jơhngơ̆m đon ‘lơ̆ng. Hop akŏm sơkơ̆t hơdăh khei năr kơnh, Ban Tuyên giáo Trung ương akŏm tơ iung pơjing rim Tơdrong vă jang tơbăt găh tơdrong jang tơm, hop akŏm pơtôch jang kiơ̆ rim Tơdrong tơchơ̆t, nơ̆r athei jang kiơ̆, nơ̆r pơma pơtôch, tơdrong tơchơ̆t đơ̆ng Khŭl kơdră chĕp pơgơ̆r Trung ương, Dơnŏ anĭh tơm Chĭnh trĭ, Ban Bí thư, sơđơ̆ng keh kong ƀlep tơchơ̆t.

Tơblơ̆ nơ̆r: Amazưt