VOV4.Bahnar - ‘Năr brei (24/4), Khŭl bơ̆ jang kơ Anih jang Đảng dêh char Dak Lak yua đơ̆ng Nguyễn Đình Trung, bơ ngai jang lơ̆m Trung ương Đảng, Bí thư anih jang Đảng dêh char chĕp kơ̆l hlôi năm hơ len lăng tơ̆ hơ nih đei đe phă bri păng pơ gơ̆r tơ drong jang dăr hơ len, hơ met pơ ‘lơ̆ng tơ drong phă bri xă vă jê̆ 400 hek tar bri tơ̆ xăh Ya Tờ Mốt, apŭng Ea Súp. Tơ̆ hơ nih đe phă bri, kơ dră chĕp kơ̆l dêh char Dak Lak hlôi mơ̆ng khŭl jang kơ pal tơ roi tơ băt tơ drong phă bri.

Kŭm hăm ‘noh, khŭl bơ̆ jang kŭm năm ngôi, asong tơ mam pơ lung đe kang ƀô̆, khŭl linh kŏng an păng khŭl jang nai tŏk bŏk bơ̆ jang. Ƀok Nguyễn Đình Trung athei khŭl jang kơ pal tơ tĕnh jang đang lăng hơ len hơ nih đe phă bri vă tơ tĕnh pơ gơ̆r dôm tơ drong tơ kêng dơ̆ng. Hơ dai hăm ‘noh, athei pơm hơ dăh hơ năp jang, sek phak dôm bơ ngai, khŭl jang ƀơm truh.

Thuem: Tơ blơ̆