VOV4.Bahnar – Anih jang Kơpal pơlei tơm HCM 'nao tơchơ̆t pơjing Jơnŭm pơgơ̆r tang găn păng tơjră xa pơjĭp kơnê̆ pơlei tơm, Kơdră jơnŭm jang jing bơngai jang lơ̆m Anih tơm Chĭnh trĭ, Ƀĭ thư anih jang kơpal pơlei tơm  HCM Nguyễn Văn Nên. Jơnŭm pơgơ̆r tang găn păng tơjră xa pơjĭp, kơnê̆ pơlei tơm HCM đei 15 'nu jang. Jơnŭm juăt pơgơ̆r jang đei 6 'nu jang noh Ƀĭ thư kơpal pơlei tơm Nguyễn Văn Nên, pơm Kơdră,; Phŏ kơdră jơnŭm pơgơ̆r jang noh ƀok Lê Thanh Liêm, Kơdră Jơnŭm jang Nô̆i chĭn pơlei tơm păng dôm Phŏ Kơdră jơnŭm jang nai noh yă Nguyễn Thị Lệ, Phŏ ƀĭ thư anih jang kơpal pơlei tơm, Kơdră Hô̆i đŏng kon pơlei pơlei tơm HCM; ƀok Dương Ngọc Hải, Kơdră Anih jang Hơlen pơlei tơm; ƀok Nguyễn Phước Lộc, Kơdră Jơnŭm pơgơ̆r jang kơ pơlei tơm; ƀok Lê Hồng Nam, Kơdră Kŏng ang pơlei tơm HCM. Jơnŭm jang Nô̆i chĭn pơlei tơm jing anih jang kơpal kơ Jơnŭm pơgơ̆r jang. Jơnŭm pơgơ̆r jang tang găn păng tơjră xa pơjĭp kơnê̆ pơlei tơm HCM đei xơnong pơgơ̆r jang, xơnong jang, tơrĕk tơdrong jang kiơ̆ Tơchơ̆t kơsô̆ 67-QĐ/TW năr 02/6/2022 đơ̆ng Jơnŭm Ƀĭ thư.

Lan chih păng pơre nơ̆r