Kiơ̆ nơ̆r tơroi, lơ̆m dêh char Đắk Lắk đei 3 ‘nu bơngai lôch, 2 ‘nu bơngai rơka; 16 tŏ hnam păk, 420 tŏ hnam păr bơbŭng, 737 tŏ hnam đak lơ̆p, dang 3.500 ha ‘long pơtăm păng 54.000 hơdrao rong ka hơdang hư răm, lơ jăl trong đak lơ̆p găn, tơlei unh điên cham, kơtĕch păng lơ tơm ‘long păk tơgơ̆.

Kŭm hăm athei jăh hơmet mă ‘lơ̆ng hiong răm, Bí thư Đảng dêh char Đắk Lắk Lương Nguyễn Minh Triết athei dôm tơring ưh gơ̆h lê̆ kon pơlei ưh đei anih oei xa sơđơ̆ng, athei hơlen năng vă đei trong tơgŭm, ƀơk tơmam, krao akŏm khul jang vang pơm hơmet hnam oei, tơiung ming dơ̆ng tơdrong choh jang xa.