Khul kơpal chă hơlen lơ tơdrong ming man ah jăl trong Độc Lập păng tơring tơjê̆ nhen tơring teh tĕch pơdro, tơmang pơhiơ̆; hơnih khăch sạn, resort; tơring kơdrơ̆m atŭm păng hơnih tơmang pơhiơ̆ 'lơ̆ng hloh. Đơ̆ng chă dăr hơlen ăn ƀôh, lơ tơdrong ming man oei tơhlăk gah teh, pơkăp asong jang, ming man đunh khei năr, ưh đei pơyua tơnăp. Ƀĭ thư Tĭnh uy ră hơdah, tơdrong jang adar tŏk bŏk oei tơrĕk kơtă truh tơdrong asong jang păng tơchơ̆t hơtŏk 2 kơsô̆ kơ dêh char.

Yuơ noh, rim hơnih jang, rim tơring kăl tenh kuăng pơkăp rim tơdrong jang, sơkơ̆t hơdah tơdrong tơm, sơnong jang vă đei trong sek tơlang mă tơnăp hơdah, keh kong; atŭm hăm noh pơtruh nơ̆r hăm hơnih iŏk ming man pơkăp akŏm ming man vă tang găn lê̆ huach teh, huach kon jên.