Lơ̆m sơnăm 2024, Binh đoàn 15 đei iŏk lơ tơdrong jơnei ang hơdah. Anih jang linh hlôi tơlĕch lơ tơdrong jang gơh hơgei, pơtoi jang tơnăp sơnong jang tơjră kơnê̆ păng pơm jang đei jơnei dôm tơchơ̆t vei sơđơ̆ng tơpôl tơ̆ tơring sơlam atŭm hăm dôm tơring dơnơm. 'Nguaih kơ noh, dôm anih jang linh kơ Binh đoàn hlôi pơlăp 750 camera vei sơđơ̆ng tơpôl tơ̆ tơring dơnơm, tơgop kăp gĭt lơ̆m tơdrong vei sơđơ̆ng tơpôl tơring sơlam Việt Nam – Campuchia.

Vang năm akŏm pơma dơnuh, Đại tá Phan Xuân Hòa – sơ̆ jang Ƀĭ thư Đảng uy, adoi jang Phŏ Kơdră Kŏng ti 715 (lơ̆m Binh đoàn 15) – chơt hơ-iă hăm dôm tơdrong jang mă Binh đoàn hlôi jang đei. Binh đoàn ưh hơdrô̆ pơm tơlĕch dôm tơmam drăm kăp gĭt mă oei asong ming man dôm tơdrong kăl yua ăn tơring po oei jang, tơgŭm hơtŏk tơdrong hơrih kon pơlei tơ̆ tơring. Khei năr truh, Binh đoàn gô pơtoi vei răk tơdrong juăt jue nuih kơtang, pơjing anih jang roi năr roi hơtŏk tơ-iung.