Hơnih Ƀô̆ đô̆i vei lăng sơlam teh đak dêh char Đắk Lắk hăm Hnam trương teh đak rong ‘me Jăl mĭnh păng Jăl ƀar Ia Lôp gô iung jang hơdoi lơ̆m 5 tơdrong jang, lơ̆m ou Ƀô̆ đô̆i vcei lăng sơlam teh đak iung jang kơtang yak hơdoi hăm hnam trương pơtho tơbăt khôi luơ̆t, trong oei sa, pơtho tơdrong jang, pơgơ̆r tơdrong jang ou to păng vei lăng năng tông hŏk tro tơnap tap. Mă kăl, rim tơdrong jang vei lăng năng tông hŏk tro hơnơ̆ng đei vei kơjăp, lơ̆m ou đei “Ba oh năm tơ̆ hnam trương - Kon mŏm Kơđông ƀô̆ đô̆i”, iŏk vei lăng năng tông hŏk tro dơnuh, pôk ăn kon jên hŏk pơhrăm, tơgŭm djru khăm ming hơmet jĭ jăn, ƀơk ăn pơgang păng kmăi kmok, tơmam drăm hŏk pơhrăm ăn hŏk tro kon kông oei sa kơtă lơ̆m hnam trương ŭnh hnam tơnap tap. Đại tá Rơ Lan Ngân, Kơ iĕng Kơdră chĕp pơgơ̆r Đảng Hơnih chĕp pơgơ̆r Ƀô̆ đô̆i vei lăng Sơlam teh đak dêh char Đắk Lắk tơbăt, tơdrong pơm ‘nhŏng oh pơjing dơ̆ng rơvơn vă khul ƀô̆ đô̆i vei lăng sơlamn teh đak iung jang hơdoi hơnơ̆ng, kơjăp hloh dơ̆ng hnam hnam trương lơ̆m pơtho pơhrăm păng vei lăng năng tông hŏk tro tơring sơlam. Đơ̆ng noh tơgop pơm hơtŏk kơtang jang ‘lơ̆ng pơtho pơhrăm, pơtho tơbăt jang kiơ̆ kơjăp khôi luơ̆t, hơnăp jang vei lăng năng tông pơm tơ-‘ngla sơlam teh đak păng tơ iung pơjing tơring sơlam teh đak pran kơjăp iăp kơtang.