Kơ sơ̆ brei (22/09) tơ̆ Anih jang kơ Khul kơ dră tĕh đak, Thủ tướng Lê Minh Hưng pơgơ̆r hop akŏm hăm Anih tơm vei lăng ming man păng dôm anih tơm, anih jang đei ƀơm truh vă hơlen lăng, pơtho tơƀôh tơdrong tơlĕch jang păng tơlĕch jên jang hăm dôm tơdrong jang tơm kơ tĕh đak găh trong nơnăm. Pơma lơ̆m jơ bơ̆jang, Thủ tướng Lê Minh Hưng pơma hơdăh, akŏm jên tơlĕch jang đơ̆ng tĕh đak tơ lĕch ăn dôm tơ drong jang trong gre tơm lơ̆m sơ năm 2026 'nŏh tôch lơ, đei hlŏh 250.000 ti hlak jên.

'Nâu jĭ jên jang gĭt kăl kăl kơ tơlĕch jang mă 'lơ̆ng păng hrĕnh vă pơtrŭt hơtŏk tơiung mŭk drăm - tơpôl, tơgop 'lơ̆ng ăn tơdrong hơgăt jang tŏk ƀar kơsô̆, tơmơ̆t jên jang đei yua păng pơm tơdrong 'lơ̆ng kơjăp ăn hơtŏk tơiung mŭk drăm tơpôl lơ̆m pơđĭ jăl jang. Lơ̆m khei 'năr uơ oei dơ̆ng kơ sơnăm 2026 lăp oei pă mĭnh jăl khei, Thủ tướng athei Anih tơm vei lăng ming man, Anih tơm vei lăng jên hu kŭm hăm rim tơring athei hơdrin mă pran, akŏm jơhngơ̆m vă iŏk đei tơdrong hơgăt tơlĕch jên jang 100% trong tơlĕch jên jang hlôi pơjao.