Sơkơ̆t hơdah Tơchơ̆t Liên hơp kuô̆k păng khôi luơ̆t apŭng plenh teh jing tơdrong tơm vei sơđơ̆ng tơpôl apŭng plenh teh, athei đei tơgĭt tôm tong, drơ̆ng minh păng ưh đei rơih hơlen, Tổng Bí thư, Kơdră teh đak bơ̆n akhan, rim teh đak athei tơgĭt gah tơdrong pơgơ̆r kơdih tôm tơring teh păng sơnong rơih trong pơm jang hơtŏk tơ-iung kơdih băl; ưh đei tơkan lơ̆m tơdrong jang kơ rim teh đak, ưh đei pơjuă dah mă dah mă tơlĕch tơdrŭt glăi hăm Tơchơ̆t Liên hơp kuô̆k.

Tổng Bí thư, Kơdră teh đak bơ̆n lui ngeh hăm minh Liên hơp kuô̆k kơjăp kơtang, Việt Nam gô atŭm pơjing minh apŭng plenh teh rơngei, hơtŏ hơnơ̆ng, tôm tong păng 'lơ̆ng rŏ hloh ăn đĭ đăng. Lơ̆m tơdrong jang noh, Việt Nam hơnơ̆ng vang jang kăp gĭt, jing teh đak vang jang lui ngeh păng jing teh đak tơnăp, kơchăng tơgop lơ̆m tơdrong hơdrin atŭm lơ̆m dôm tơdrong hơdrin kơ apŭng plenh teh.