Pơma găh trong vă jang, Tổng Bí thư, Kơdră teh đak Tô Lâm ăn tơbăt, Đảng păng teh đak Việt Nam tơlĕch trong jang tơbôl kơ dih ưh đei tơplih đơ̆ng kơdih chĕp kơ̆l pơgơ̆r, bơ̆ jang lơ trong, lơ pang. Atŭm hăm ‘nŏh hơpơi ‘mĕh pơm hơdăh tơdrong pơvei hăm dôm teh đak, lơ̆m noh chih hơdăh Mi jĭ 1 lơ̆m dôm teh đak jang hơdoi gĭt kăl tơm dơnơm.

Tổng Bí thư, Kơdră teh đak Tô Lâm athei 2 teh đak vei kơjăp tơdrong pơvei, pơjing tơdrong jang chinh trĭ sơđơ̆ng 'lơ̆ng, đunh đai tơgăl hăm tơdrong Pơvei, jang hơdoi gĭt kăl tôm tơdrong đơ̆ng 2 teh đak. Atŭm hăm 'nŏh hơpơi 'mĕh pơm hơtŏk dôm trong pơgơ̆r pơma nuh tơpăt 'lơ̆ng hăm Mi găh dôm tơdrong đei tơrek truh, adrin sek tơlang mă 'lơ̆ng dôm tơdrong oei pha ra băl. Tổng Bí thư, Kơdră teh đak pơma hơdăh, Việt Nam 'mĕh kŭm hăm Mi hơnơ̆ng hơnhăk tơdrong pơvei, jang hơdoi gĭt kăl tôm tơdrong đơ̆ng 2 teh đak tŏk roi đunh roi 'lơ̆ng, roi đei yoa kiơ̆ trong năng kăl băl, 2 păh đei yoa ngăl.