Tổng Bí thư, Kơdră teh đak bơ̆n Tô Lâm bơnê kơ dôm nơ̆r thơ thou đơ̆ng Đảng Cộng sản Hoa Kỳ păng bôl buăl Hoa Kỳ ƀơ̆t mă Việt Nam pơgơ̆r đei jơnei tơdrong Hop akŏm mă 14 kơ Đảng; atŭm hăm noh bơnê kơ đon bơnôh, tơdrong tơguăt tơguăl păng tơgŭm mă Đảng Cộng sản Hoa Kỳ atŭm hăm bôl buăl, kon pơlei gơh hơgei kơ Hoa Kỳ 'măn ăn Việt Nam.

Tổng Bí thư, Kơdră teh đak bơ̆n Tô Lâm sơkơ̆t hơdah Đảng Cộng sản Việt Nam lăng tơgĭt tơdrong jang tơbôl juăt jue hăm Đảng Cộng sản Hoa Kỳ, hơpơi 'meh 2 pah pơtoi hơtŏk hơpeh hơpong dih băl, tơroi gah tơdrong hlôh vao lơ̆m pơm jang, tơgop hơtŏk tơdrong jang tơbôl păng tơdrong hlôh vao kơ kon pơlei 2 teh đak. Tang măt ăn Đảng Cộng sản Hoa Kỳ hmach bơnê hăm tơdrong jang hơtŏk tơ-iung kơ Việt Nam, sơkơ̆t hơdah hơpơi 'meh hơtŏk jang hơdoi kơ 2 Đảng păng hơtŏk hơpeh hơpong kơ kon pơlei 2 teh đak.