Tơ̆ hop akŏm, dôm anĭh tơm, anĭh jang kơpal, tơring tơring roi tơbăt tơdrong bơ̆ jang, tơdrong pơmat tat, tơhlăk tăk păng tơlĕch trong jang vă pơm hơtŏk tơdrong đei yoa đơ̆ng dôm anĭh pơtho pơhrăm đơ̆ng rŏng kơ hơmet ming. Kiơ̆ Anĭh tơm vei lăng pơtho pơhrăm, trŭh dang ei, lơ̆m tĕh đak oei đei 281 anĭh pơtho tơdrong jang yoa tĕh đak pơjing, jur 33 anĭh, hơtŏ hăm 10,5% pơting hăm hơtuch khei 7. Anih pơtho hŏk đăi hŏk dang ei đei 130 anĭh yoa tĕh đak pơjing, jur 3 anĭh.

Pơma pơtôch hop akŏm, Phŏ Thủ tướng Lê Tiến Châu athei dôm anih tơm, anih jang kơpal, tơring tơrang jăh hơmet pơ 'lơ̆ng trong jang, chih hơdăh anih kăl vei kơjăp, anih vă tơmơ̆t hơdai, anih athei tơklăh hŭt dăh mă tơplih ming, pơm ‘lơ̆ng, athei jang đang adrol kơ 'năr 1/10/2026; atŭm hăm 'nŏh ưh gơ̆h lê̆ tơdrong proh hơmet ming ƀơm ưh 'lơ̆ng truh tơdrong pơtho pơhrăm păng tơdrong đei yoa đơ̆ng bơngai hŏk.