VOV4.Bahnar - Lơ̆m jơ sơng Khŭl tang măt bơ ngai đei kŏng dêh char Dak Nông păng pơ lei tơm Tam Kỳ, dêh char Quảng Nam kơ Anih tơm vei lăng găh Bơ ngai jang - Linh jĭ rơ ka păng Tơ pôl pơ gơ̆r kơ sơ̆ ‘năr 10/6, tơ̆ Hà Nội, lơ bơ ngai đei kŏng ‘meh vă, tơ drong jang tơ chă, iŏk akŏm kơ ting linh lôch dŏng teh đak păng băt hơ dăh hơ năn kơ ting linh lôch dŏng teh đak oei ưh kơ đei kơ tơ̆ng ang đei tŭn pran hloh dơ̆ng. Tơ̆ jơ sơng, tang măt Khŭl bơ ngai đei kŏng dêh char Dak Nông păng pơ lei tơm Tam Kỳ, dêh char Quảng Nam pơ ma hơ dăh: Trong jang tơ gŭm bơ ngai đei kŏng hăm kach mang ling lang đei Đảng păng teh đak bơ̆n bơ ngơ̆t truh hơ drol.

Khŭl tang măt bơ ngai đei kŏng tơ mang tơ̆ Hà Nội Anih tơm vei lăng găh Bơ ngai jang- Lĭnh jĭ rơ ka păng tơ pôl ƀlep ƀơ̆t tơ băt 75 sơ năm Năr linh jĭ rơ ka linh lôch dŏng teh đak 27-7

Mă lei, 1 lơ̆m dôm tơ drong mă bơ ngai đei kŏng oei bơ ngơ̆t, ‘noh jĭ tơ drong jang tơ chă, iŏk akŏm kơ ting linh lôch dŏng teh đak păng băt hơ dăh hơ năn kơ ting linh lôch dŏng teh đak oei ưh kơ đei kơ tơ̆ng ang kăl kơ đei tŭn pran hloh dơ̆ng. Pơ ma tơ̆ jơ sơng, Phŏ kơ dră Anih tơm vei lăng găh Bơ ngai jang - Linh jĭ rơ ka păng Tơ pôl Nguyễn Bá Hoan pơ ma hơ dăh hăm dôm tơ drong tơ hlăk tơ hlĭn lơ̆m hơ met pơ ‘lơ̆ng hla ar hô sơ oei đei bơ ngai đei kŏng; tơ drong jang tơ chă, iŏk akŏm kơ ting linh lôch teh đak păng băt hơ dăh hơ năn linh lôch dŏng teh đak oei ưh kơ đei kơ tơ̆ng ang ‘noh mă đơ̆ng mơ mat tat dang yơ kŭm athei hơ nơ̆ng kơ jang.

Thuem: Tơ blơ̆