VOV4.Bahnar - Lơ̆m 2 năr 28 păng 29/3, Anih chĕp kơ̆l pơ gơ̆r Kuô̆k hô̆i pơ gơ̆r hop akŏm bơ ngai tang măt jang kơ tă lơ̆m Kuô̆k hô̆i vă pơ ma nuh găh 4 kơ luơ̆t vă tơ roi ăn Kuô̆k hô̆i tơ̆ hop akŏm mă 3, Kuô̆k hô̆i jăl XV.

Kiơ̆ tơ drong jang, lơ̆m ‘năr 28/3, dôm bơ ngai tang măt pơ ma nuh 2 kơ luơ̆t: Luơ̆t hơ met ming, chih tơ mât dơ̆ng 1,2 tơ drong lơ̆m Luơ̆t vei lăng đon pơ chĕh rơ gei păng Luơ̆t pơ jei, pôk hơ păh (oei chih hơ met). Găh luơ̆t sinrơma (oei chih hơ met) păng Luơ̆t tĕch mơ dro ƀao hiêm (oei chih hơ met) vă pơ ma nuh lơ̆m ‘năr 29/3.

Hop akŏm đei pơ gơ̆r kơ tă hơ dai hăm hôp trư̆k tuyê̆n. Dôm bơ ngai tang măt jang kơ tă lơ̆m Kuô̆k hô̆i tơ̆ Trung ương păng găh Khul tang măt Kuô̆k hô̆i plt Hà Nội vang hop akŏm tơ̆ Hnam hôp Diên Hồng lơ̆m Hnam Kuô̆k hô̆i. ‘Nâu jĭ 1 hơ yak hơ met tôch gĭt kăl ăn Hop akŏm mă 3 kơ Kuô̆k hô̆i jăl XV vă pơ gơ̆r lơ̆m ‘năr 20/5/2022.

Dơ̆ng: Tơ blơ̆