VOV4.Bahnar – Xơng iŏk nơ̆r hơvơn đơ̆ng Ƀô̆ trưởng Anih Linh Việt Nam, Đại tướng Phan Văn Giang, Ƀô̆ trưởng Anih Linh Ấn Độ Rajnath Singh gô năm tơmang teh đak Việt Nam 3 năr đơ̆ng 'năr dơning (8/6). Lơ̆m 'măng tơmang âu, Ƀô̆ trưởng Anih Linh Ấn Độ Rajnath Singh gô năm pơjôk pơxat Ƀok Kơdră Hồ Chí Minh, pơma đam hăm ƀô̆ trưởng Phan Văn Giang, hmach hăm ƀok Kơdră teh đak Nguyễn Xuân Phúc păng Thủ tướng Phạm Minh Chính. Ƀar ƀô̆ trưởng gô xơkơ̆t găh tơdrong jang hadoi đơ̆ng anih linh kơ 2 teh đak lơ̆m khei năr âu ki păng pơma đam dôm tơdrong tơlĕch jang 'nao vă hơtŏk tơbôl găh tơdrong jang âu. Lơ̆m 'măng năm tơmang âu, Ƀô̆ trưởng Anih Linh Ấn Độ Rajnath Singh gô bơ̆ng pang lệ pơjao 12 tŏ plŭng kơmăi kơdâu renh lơ̆m pơkăp Jên mong tơdrong jang linh đei kơjă 100 trĭu dollar đơ̆ng Khul Kơpal teh đak Ấn Độ 'măn ăn Việt Nam.

Lan chih păng pơre nơ̆r