Ƀok Đỗ Văn Chiến bơnê tơdrong pơngơ̆t đơ̆ng hnam trưng hăm 39 ‘nu sinh viên Việt Nam oei kiơ̆ hŏk tơ̆ âu, atŭm hăm ‘nŏh hơpơi ‘mĕh hnam trưng hơnơ̆ng sơng iŏk dơ̆ng lơ sinh viên Việt Nam păng pơih xă tơdrong hơpăh hŏk ƀŏng hăm sinh viên păng bơngai hŏk jrŭ đơ̆ng Việt Nam.

Ƀok pơma hơdăh, sinh viên Việt Nam păng bơngai Việt Nam đei tôm tơdrong kăl vă kiơ̆ hŏk tơ̆ hnam trưng, jô̆ hloi găh 2 trong vang thi păng pơma nơ̆r teh đak đe kŭm nhen jên hŏk. Hnam trưng hlôi kĭ pơkăp jang hơdoi hăm dôm anih pơtho pơhrăm đei ư hơnhang đơ̆ng Việt Nam, lơ̆m noh đei Đại học Bách khoa. Đơ̆ng rŏng kơ bơ̆ jang hăm Khul kơdră chĕp kơ̆l hnam trưng, ƀok Đỗ Văn Chiến kŭm hăm Khul tang măt kơ Việt Nam truh pơma nuh, hơpăh tơmam ăn sinh viên Việt Nam oei kiơ̆ hŏk tơ̆ hnam trưng.