VOV4.Bahnar - Kơ sơ̆ 18/8, tơ̆ Hà Nội, Đại tướng Tô Lâm, Kơ dră jang lơ̆m Anih tơm Chinh trĭ, Kơ dră tơm vei lăng Công an đei jơ sơng ƀok Sugi Ryotaro, sơ̆ pơm Bơ ngai tang măt gĭt kăl Nhật-Việt/Việt-Nhật.

Tơ̆ jơ sơng, Ƀok Kơ dră Tô Lâm pơ ma hơ dăh, Anih tơm vei lăng Công an hơ pơi ‘mĕh hơ tŏk tơ drong pơ gơ̆r lơ tơ drong jang gĭt kăl vă tơ băt tơ drong kăp gĭt âu kiơ̆ đơ̆ng dôm tơ drong pơ gơ̆r ăn rim khul grŭp pơ ma nuh, hơ tŏk tơ drong jang hơ doi, roi tơ băt ăn băl dôm tơ drong kăl lơ̆m tơ drong tang găn tơ drong yoch, pơ tho pơ hrăm kăn ƀô̆, pơ gơ̆r ăn kăn ƀô̆ Công an Việt Nam – Kanh sat Nhật Bản năm ngôi, pơ gơ̆r pơ ma nuh, hơ ri hơ xoang hăm băl.

Ƀok kơ dră Tô Lâm hơ pơi ‘mĕh, hăm tơ drong pơ vei ‘lơ̆ng hơ iă, đei bưng ai tih lơ̆m anih jang chinh trĭ tơ̆ Nhật Bản ƀok Sugi Ryotaro păng Bơ ngai tang măt hơ nơ̆ng tơ rĕk truh, tưk tơ iung, athei Khul kơ dră tĕh đak, dôm anih tơm, anih jang kơ pal kơ Nhật Bản hơ tŏk loi dơ̆ng tơ drong jang hơ doi, tơ gŭm ăn Việt Nam.

Dơ̆ng: Tơ blơ̆