Vang truh pơm lêh đei Đại tướng Phan Văn Giang, Kơdră tơm vei lăng khul linh teh đak, kŭm hăm bơngai tang măt đơ̆ng Quân ủy Trung ương, Anih tơm vei lăng khul linh teh đak păng kơdră chĕp kơ̆l tơring. Quân đoàn 34 đei pơjing kiơ̆ tơdrong Tơchơ̆t đơ̆ng Anih tơm vei lăng khul linh teh đak, kiơ̆ đơ̆ng tơmât hơdai Quân đoàn 3 (Binh đoàn Tây Nguyên) păng Quân đoàn 4 (Binh đoàn Cửu Long).

‘Nâu jĭ 2 khul linh tơblăh tơm kơ Anih tơm vei lăng khul linh teh đak, hlôi iŏk đei lơ tơdrong jơnei lơ̆m tơdrong tơblăh vei lăng teh đak, hăm 164 khul grŭp păng lơ bơngai đei hơpăh ăn hơnăn Bơngai tơblăh kơtang nuih mơng kơ Khul linh kon pơlei. Quân đoàn 34 đei pơjing kiơ̆ trong tŏ sĕt bơngai, gơ̆h hơgei, pran kơtang, đei răt hơmet tôm phao kơtoang, gre, kơmăy kơmŏk ‘nao.