Pơma ah iŏk sơnong jang, Ƀĭ thư 'nao kơ Tĭnh uy Đăk Lăk Lương Nguyễn Minh Triết tơbang tơdrong hơ-iă ah đei Trung ương lui ngeh pơjao sơnong jang trăp trĭn; sơkơ̆t hơdah gô jang tơnăp tơdrong pơgơ̆r jang, hlôh vao hơdah gah sơnong jang tih tên lơ̆m tơdrong atŭm hăm jơnŭm jang Ƀan chơ̆p hanh Đảng ƀô̆ dêh char, pơgơ̆r pơm jang đei jơnei sơnong jang hơtŏk mŭk drăm – tơpôl, vei sơđơ̆ng tơpôl tơ̆ tơring, pơtrŏ hăm tơdrong tơchơ̆t kơ minh dêh char dơnơm tơ̆ Tây Nguyên.

Ƀok Lương Nguyễn Minh Triết rơneh sơnăm 1976, pơlei pơla tơ̆ xah Duy An, apŭng Duy Xuyên, dêh char Quảng Nam (so) dang ei noh oei lơ̆m pơlei tơm Đà Nẵng; hŏk đang Thạc sĩ Quản trị Kinh doanh, Kih sư Kŏng ngê̆ Silicat; kao kơ̆p Lĭ luâ̆n chinh trĭ.