‘Măng hop akŏm drơ̆ng nơ̆r ăn tơdrong Tơchơ̆t asong pơdơ̆h pơm Kơdră Jơnŭm pơgơ̆r kon pơlei dêh char jăl X đơ̆ng 2021 - 2026 hăm ƀok Trần Hồng Thái, yoa hlôi đei iŏk jang, pôk pơm Phŏ Kơdră chĕp kơ̆l Anih tơchĕng hơlen Khoa hŏk păng kơmăy kơmŏk Việt Nam đơ̆ng ‘năr 3/9/2025. Atŭm hăm ‘nŏh, pôk ƀok Lưu Văn Trung, Phó Bí thư Đảng dêh char Lâm Đồng pơm Kơdră Jơnŭm pơgơ̆r kon pơlei dêh char Lâm Đồng jăl X, đơ̆ng 2021-2026, hăm kơsô̆ kơphĭu drơ̆ng nơ̆r truh 110/112.

Tơ̆ hop akŏm, Jơnŭm pơgơ̆r kon pơlei dêh char Lâm Đồng oei drơ̆ng nơ̆r hăm tơdrong pôk rơih ming dơ̆ng bơngai jang lơ̆m Anih vei lăng kon pơlei dêh char Lâm Đồng jăl jang đơ̆ng 2021 - 2026 hăm ƀok Hoàng Văn Bằng, Kơdră jang lơ̆m Anih chĕp kơ̆l Đảng dêh char, Kơdră Anih jang tơbôl kơ dêh char.