Hmach chơt hơ iă ăn kơ ƀok Nguyễn Quốc Đoàn đei Đảng, Teh đak lui yom pơjao ăn tơdrong bơ̆ jang ‘nao, Thủ tướng Phạm Minh Chính hơpơi ‘meh vă ƀok Nguyễn Quốc Đoàn hăm kơchư̆k ‘nao ‘măn đĭ jơhngơ̆m kơ dih, jang keh đang tơdrong jang đei pơjao. Iung pơma lơ̆m iŏk bơ̆ jang, Kơ iĕng Kơdră chĕp pơgơ̆r Hơnih tơm jang dăr lăng Khul kơdră chĕp pơgơ̆r teh đak Nguyễn Quốc Đoàn pơkăp, hăm tơdrong bơ̆ jang ‘nao gô iung jang đĭ jơhngơ̆m, hơdrin đĭ ai, ling lang hŏk pơhrăm kiơ̆ trong bơ̆ jang hơgei, jơhngơ̆m đon ‘lơ̆ng kơ Ƀok Hô, atŭm hăm khul kơdră chĕp pơgơ̆r Hơnih Dăr lăng Khul kơdră chĕp pơgơ̆r Teh đak kiơ̆ yok rok jơ̆ng ‘lơ̆ng tơdrong joăt joe tơgoăt pôm nơ̆r ƀơ̆r đon, drơ̆ng mĭnh, yak hloh tơdrong long, tơnap tap, tơgop đĭ jơhngơ̆m đon ăn tơdrong bơ̆ jang vă bơ̆ jang dăr lăng tơpă tơpăt ‘lơ̆ng, jơnei kơ Đảng păng teh đak, ji hơnih gơnang ‘lơ̆ng ăn kon pơlei.