Hăm kơ sô̆ kơphiê̆u drơ̆ng lăp, Jơnŭm pơgơ̆r kon pơlei pơlei tơm hlôi pôk ƀok Nguyễn Văn Được pơm dơ̆ng Kơdră Anih vei lăng kon pơlei pơlei tơm HCM jăl jang 2026–2031. Ƀok Nguyễn Văn Được dang ei ‘noh jĭ Bơngai jang lơ̆m Trung ương Đảng, Phŏ Bí thư Đảng pơlei tơm, Kơdră Anih vei lăng kon pơlei pơlei tơm HCM jăl jang 2021–2026.

Hơdrol ‘noh, ƀok Được hlôi iŏk jang lơ kơchư̆k jang kơdră chĕp kơ̆l tơ̆ Long An nhen Phŏ Kơdră Anih vei lăng kon pơlei dêh char, Phŏ Bí thư Anih jang Đảng dêh char, Bí thư Đảng dêh char. Tơdrong đei pôk dơ̆ng tơƀôh tơdrong lui đơ̆ng bơngai tang măt Jơnŭm pơgơ̆r kon pơlei hăm tơdrong kĕ chĕp kơ̆l pơgơ̆r, hlôh vao yan âu đơ̆ng ƀok Nguyễn Văn Được lơ̆m khei ‘năr pơlei tơm HCM tŏk bŏk tơlĕch tơdrong hơgăt hơtŏk tơiung hrĕnh păng kơjăp lơ̆m jăl jang ‘nao.