Iung pơma iŏk tơdrong jang, ƀok Phạm Anh Tuấn pơma hơdăh kơrŭn đĭ ai tơplih ‘nao kơtang trong chĕp pơgơ̆r, iung jang kơtang, pơjing đei tơdrong tơplih hơdăh vă trŏ lăp hăm tơdrong pơkoel atŏk tơ iung tĕnh koăng păng kơjăp ‘lơ̆ng lơ̆m chăl ‘nao. Mă hơdăh, Hơnih vei lăng kon pơlei dêh char Gia Lai sơkơ̆t hơdăh 10 tơdrong jang tơm dơnơm pơm trong iung jang kơtang lơ̆m jăl jang.

Mă kăl ‘noh trong jang tŏk mŭk drăm ƀar kơsô̆, tơklep hăm trong tơplih ‘nao păng pơm hơtŏk jơhngơ̆m pran kĕ tang găn dôm tơdrong ưh sơđơ̆ng kơ tơdrong jang mŭk drăm. Atŭm hăm ‘noh tơdrong tơ iung pơjing trong pơkăp KPI vă hơlen hơdăh bơ̆ jang jơnei tơdrong jang truh hăm rim hơnih jang, tơring; atŏk kơtang hơmet pơ ‘lơng trong bơ̆ jang, pơm hla bơar ƀônh vă hơmet pơ ‘lơ̆ng ăn tơdrong tơmơ̆t jên jang mơdro sa.