VOV4.Bahnar - Kơ sơ̆ ‘năr 5/5, tơ̆ Hnam Kuôk hô̆i, Anih chĕp kơ̆l pơ gơ̆r Kuôk hô̆i pơ gơ̆r pơm Lêh tơ băt hơ dăh păng pơ jao tơ drong tơ chơ̆t pôk ƀok Phạm Thái Hà pơm Phŏ kơ dră vei lăng Anih bơ̆ jang Kuôk hô̆i, pơm hloi bơ ngai jang tơ gŭm Kơ dră Kuôk hô̆i. Tang măt Anih chĕp kơ̆l pơ gơ̆r Kuôk hô̆i, Phŏ Kơ dră Kuôk hô̆i Trần Thanh Mẫn hmach chơt hơ iă kơ đĭ đăng kơ dră chĕp kơ̆l Anih bơ̆ jang Kuôk hô̆i hlôi đei tơ mơ̆t dơ̆ng, hơ met tôm bơ ngai jang chĕp kơ̆l păng hmach chơt hơ iă kơ ƀok Phạm Thái Hà đei Anih chĕp kơ̆l pơ gơ̆r Kuôk hô̆i lui ngeh, pôk hơ tŏk pơm Phŏ kơ dră vei lăng Anih bơ̆ jang Kuôk hô̆i. Phŏ Kơ dră Kuôk hô̆i lui ngeh đĭ đăng kơ dră chĕp kơl, kang ƀô̆, bơ ngai jang kơ teh đak, bơ ngai jang tơ̆ Anih bơ̆ jang Kuôk hô̆i ling lang 1 jơ hngơ̆m, drơ̆ng 1 nơ̆r, tơ goăt tơ goăl vă pơ jing 1 tơ pôl pran kơ jăp hơ gei tôm tơ drong; ling lang tơ ƀôh tơ drong rơ đăh, tơ păt, ‘lơ̆ng lơ̆m klăih song jang, pơ jao hơ năp jang, pơ gơ̆r bơ̆ jang đei iŏk yua.

Thuem: Tơ blơ̆