Tơ̆ jơ tơƀâp, bơngai tăh hla xăh Tà Năng pơma tơlĕch lơ nơ̆r, ƀơm truh tơdrong arih xa, choh jang xa păng tơdrong bơ̆ jang đơ̆ng khul kơdră tơring. Pơma tơ̆ jơ tơƀâp, ƀok Phan Đình Trạc chih iŏk rim nơ̆r tơgop tơgăl đơ̆ng bơngai tăh hla, pơma hơdăh Khul tang măt Quốc hội dêh char vă chih akŏm, gơih ăn dôm anih jang kơpal hơlen năng, sek tơlang lơ̆m khei ‘năr hrôih hlŏh.

Atŭm hăm ‘nŏh athei dêh char Lâm Đồng tơrek truh, sek tơlang mă ‘lơ̆ng tơdrong pơm hla ar teh, bơ̆ jang trŏ khôi luơ̆t, pơm ‘lơ̆ng ăn tơdrong đei yoa tơgăl đơ̆ng kon pơlei; atŭm hăm ‘nŏh pơjao ăn công an dăr hơlen, pơm hơdăh dôm tơdrong pơm tơhiong hla ar teh vă sek tơlang kiơ̆ khôi luơ̆t.