VOV4.Bahnar - Kơ iĕng Thủ tướng Lê Minh Khái hlôi kĭ Tơdrong tơchơ̆t pơjao ăn Dơnŏ anĭh tơm jang jên hu ƀơk ăn 7.820 tân phe đơ̆ng Hơnĭh mong kơ Tĕh đak ăn rim dêh char: Bình Định, Hà Giang, Dak Nông, Tuyên Quang, Dak Lăk, Bình Phước, Quảng Trị, Kon Tum, Lạng Sơn, Lai Châu va wtơgŭm ăn kon pơlei lơ̆m khei ‘năr Têt Nguyên đán Nhâm Dần păng blŭng sơnăm 2022. Kơ iĕng Thủ tướng athei Dơnŏ anĭh tơm jang jên hu, Dơnŏ anĭh vei lăng Tơdrong jang-Bơngai rơka păng Tơpôl iung jang kiơ̆ ƀlep tơdrong tơchơ̆t; tơroi tơbăt hơdăh găh măt bơngai vă tơgŭm djru. Dơnŏ anĭh vei lăng kon pơlei rim dêh char: Bình Định, Hà Giang, Dak Nông, Tuyên Quang, Dak Lăk, Bình Phước, Quảng Trị, Kon Tum, Lạng Sơn, Lai Châu chĭu pŭ găh tơdrong tơroi tơbăt hơdăh vă tơgŭm djru dôm yơ đơ̆ng nŏh tơbăt ăn păng pơm kiơ̆ tơgŭm djru tơtom, ƀlep bơngai, ƀlep tơgŭm djru dôm yơ kiơ̆ tơdrong tơchơ̆t.

Tơblơ̆ nơ̆r: Amazưt