‘Măng hop akom tơbăt hơdăh 85 ‘nu kơdră tang măt Jơnŭm vei lăng kon pơlei dêh char đei bơngai tăh hla pôk tơmơ̆t, adoi pơgơ̆r pôk rơih rim kơchư̆k kơdră chĕp pơgơ̆r. Pơtôch pôk rơih, ƀok Rah Lan Chung, Kơ iĕng Kơdră chĕp pơgơ̆r Đảng dêh char Gia Lai, đei pôk tơmơ̆t jang dơ̆ng Kơdră chĕp pơgơ̆r Jơnŭm vei lăng kon pơlei dêh char; ƀok Trương Văn Đạt hăm yă Huỳnh Thúy Vân đei pôk tơmơ̆t pơm Kơ iĕng Kơdră chĕp pơgơ̆r Jơnŭm vei lăng kon pơlei dêh char. Iung pơma tơ̆ hop akom, Bí thư Đảng dêh char Gia Lai Thái Đại Ngọc pơma hơdăh, jăl jang 2025-2030, Gia Lai tơlĕch trong tŏk mŭk drăm GRDP 10% truh 10,5%/sơnăm, đei jing hơnih tơgoăt kơtang ƀar păh Tây Nguyên Nam Trung Bộ hăm rim tơring jang mŭk drăm lơ̆m tơring. Vă tơlĕch jang kiơ̆ ‘lơ̆ng jơnei trong tơlĕch jang ou, Jơnŭm vei lăng kon pơlei dêh char Gia Lai kăl hơnơ̆ng tơplih ‘nao, pơm hơtok ‘lơ̆ng rim ‘măng hop akŏm; akŏm pơjing rim trong tơchơ̆t, trong jang pran kơtang hloh găh hơvơn tơmơ̆t jên jang, atŏk tơ iung trong hnam, tơplih kơsô̆ păng khoa hŏk-kmăi kmŏk.