VOV4.Bahnar - Kơsơ̆ năr 22/8, Khŭl kơdră kơpal kơ Việt Nam kơ yuơ Đại tướng Tô Lâm, Kơdră jang lơ̆m Dơnŏ anĭh tơm Chĭnh trĭ, Kơdră chĕp pơgơ̆r Dơnŏ anĭh tơm Kŏng ang pơm Kơdră khŭl hlôi vang năm Hop akŏm Kơdră kơpal vei lăng sơđơ̆ng Khŭl rim tĕh đak Đông Nam Á (ASEAN) - Nga ‘măng mă ƀar pơgơ̆r kiơ̆ trong trư̆k tuyên.

Hop akŏm Kơdră kơpal vei lăng sơđơ̆ng ASEAN-Nga

Lăp đơ̆ng rŏng pơgơ̆r blŭng a, Kơdră chĕp pơgơ̆r khŭl rim tĕh đak hlôi pơma dơnŭh găh tơdrong sơđơ̆ng tơ̆ châu Á-Thái Bình Dương, pơ đĭ trong jang vei lăng năng tông ƀrơ̆m phao păng ưh kơ tơlĕch ƀrơ̆m phao kơtoang, dôm tơdrong đei ƀơm đơ̆ng hăp hăm vei lăng sơđơ̆ng lơ̆m tơring; tơdrong sơđơ̆ng, chĭnh trĭ tơ̆ tơring châu Á-Thái Bình Dương lơ̆m khei ‘năr đei tơdrong ư̆h sơđơ̆ng ƀar păh rim tĕh đak pran kơtang. Vă atŏk kơtang jang hơdoi ƀar păh Nga hăm ASEAN lơ̆m khei năr kơnh, ƀok Tô Lâm athei, Nga hơdrin hlŏh dơ̆ng vang jang hơdoi lơ̆m rim ‘măng pơgơ̆r Hop akŏm pơma dơnŭh kơ yuơ ASEAN pơm tơm, tơgŭm djru hơnăp jang tơm păng kơrŭn đĭ jơhngơ̆m đơ̆ng ASEAN pơtrŭt kơtang pơma dơnŭh, jang hơdoi păng tơ jră tang găn rim tơdrong long, lơ̆m au đei sơđơ̆ng duk păng gre păr vĭh vơ̆t lơ̆m tơring.

Tơblơ̆ nơ̆r: Amazưt