VOV4.Bahnar  – Kơsơ̆ năr 6/6, tơ̆ Anih jang Trung ương Đảng, ƀok Tổng Bí thư Nguyễn Phú Trọng hlôi pơma đam kơpal hăm Kơdră Đảng Măt trâ̆n Pơ rơngei teh đak Mozambique (FRELIMO), Kơdră teh đak Mozambique Filipe Jacinto Nyusi kiơ̆ pơkăp trư̆k tuyê̆n.

          Lơ̆m tơdrong xơng chơt hơ iă, tơbôl, Kơdră Đảng FRELIMO, Kơdră teh đak Mozambique bơnê kơ tơdrong kăp gĭt đơ̆ng tơdrong pơma đam lơ̆m hơtŏk tơbôl jang hadoi 'lơ̆ng rŏ đơ̆ng 2 đảng, 2 teh đak. Ƀok Tổng Bí thư Nguyễn Phú Trọng xơkơ̆t, Mozambique jing minh lơ̆m dôm teh đak mă Việt Nam tơrĕk hơtŏk jang tơbôl tơ̆ châu Phi. Khul kơpal kơ 2 đảng, 2 teh đak drơ̆ng nơ̆r pơtoi jang tơbôl đơ̆ng Đảng Cộng sản Việt Nam păng Đảng FRELIMO vei xơđơ̆ng xơnong jang lơ̆m hơtŏk tơbôl jang hadoi lơ tơdrong kơ 2 teh đak roi năr roi đeo jơnei tơnăp; iŏk jang kơjăp mŭk drăm păng tơdrong pran kơ rim păh vă hơtŏk jang tơbôl chĭnh trĭ - jang tơbôl mŭk drăm, tĕch pơdro, vei xơđơ̆ng tơpôl, pơtho pơhrăm, tơmang pơhiơ̆, joh ayŏ păng akŏm pơma dơnuh kon pơlei.

Lan chih păng pơre nơ̆r