Ƀok Tổng Bí thư Tô Lâm chơt hơ-iă hăm dôm tơdrong hơtŏk 'lơ̆ng hơ-iă lơ̆m tơdrong jang tơbôl kơ 2 đảng, 2 teh đak lơ̆m khei năr âu ki, lơ̆m noh đei 'măng năm tơmang đơ̆ng Thủ tướng teh đak bơ̆n Phạm Minh Chính truh teh đak Dominicana ah khei 11 âu ki. Ƀok Tổng bí thư Tô Lâm sơkơ̆t hơdah Việt Nam hơpơi 'meh pơtoi hơtŏk jang tơbôl hăm teh đak Dominicana, kơyuơ tơdrong pơyua ăn kon pơlei 2 teh đak, kơyuơ tơdrong rơngei sơđơ̆ng păng hơtŏk tơ-iung tơ̆ 2 tơring păng lơ̆m apŭng plenh teh.

Ƀok Tổng Bí thư Miguel Mejia sơkơ̆t hơdah gô hơdrin vei kơjăp đon lui chĭnh trĭ đơ̆ng Đảng Khul jang Tơklah Thŏng nhơ̆t păng dôm đảng dơnơm tơ̆ teh đak Dominicana hăm Đảng Cộng sản Việt Nam; sơkơ̆t tơgŭm Việt Nam lơ̆m dôm tơdrong jang apŭng plenh teh păng dôm tơdrong hop akŏm lơ teh đak mă 2 pah vang jang hadoi.