Khul bơ̆ jang hlôi truh dăr lăng tơ̆ hơnih tăh hla kơsô̆ 38, koeng kơphô̆ 5 Tự An, phương Buôn Ma Thuột, dêh char Dak Lăk. Lăp đơ̆ng rŏng năm dăr lăng, khul bơ̆ jang hlôi bơ̆ jang hăm Hơnih vei lăng pôk rơih dêh char Dak Lăk găh tơdrong hơmet ăn pôk rơih lơ̆m dêh char. Iung pơma tơ̆ jơ bơ̆ jang, ƀok Trần Sỹ Thanh hôn bơnê kơtang trong bơ̆ jang tơnăp đơ̆ng dêh char Dak Lăk lơ̆m bơ̆ jang chĕp pơgơ̆r, pơrô̆ jang tơlĕch jang kiơ̆ pôk rơih. Kơ yuơ tơring să, lơ tơring hơtăih yăih, tơring kon kông, tơring ưh kơ gơh pơhơi. Dak Lăk kăl hơnơ̆ng kiơ̆ yok kơjăp nơ̆r pơrô̆ jang đơ̆ng Trung ương păng Jơnŭm Pôk rơih teh đak;atŏk kơtang băt hơdăh tơdrong tơ̆ tơring, sơđơ̆ng dơ̆ng kơjăp tơ̆ rim hơnih tăh hla; hơmet ăn ‘lơ̆ng hơnih jang, proh hơmet mă ‘lơ̆ng khul bơ̆ jang pơtho tơbăt ăn bơngai tăh hla năm tăh hla ƀlep hăm tơdrong tơchơ̆t.