VOV4.Bahnar - Kơ sơ̆ ‘năr 6/5, tơ̆ Hnam Kuôk hô̆i, Anih jang tơ bôl jang hơ dai hăm Anih vei lăng tơ drong bơ̆ jang bơ ngai tang măt găh Anih chĕp kơ̆l pơ gơ̆r Kuôk hô̆i, Anih bơ̆ jang kơ Kuôk hô̆i, Anih jang Nghị sĩ tơ bôl Việt Nam păng Anih jang tang măt Hàn Quốc tơ̆ Việt Nam pơ gơ̆r pơm lêh pơ jao Mê đai Quang Hoa đơ̆ng khŭl Kơ dră teh đak Hàn Quốc asong ăn Kơ dră so Anih vei lăng tơ drong bơ̆ jang bơ ngai tang măt, Kơ dră grŭp nghị sĩ tơ bôl Việt Nam - Hàn Quốc Trần Văn Túy.

Bơ ngai jang lơ̆m Anih tơm Chĭnh trĭ, Phŏ Kơ dră Kuôk hô̆i Trần Thanh Mẫn vang truh pơm lêh pơ jao asong. Iŏk mê đai Quang Hoa đơ̆ng khŭl kơ dră teh đak Hàn Quốc, ƀok Trần Văn Tuý bơ nê kơ Quốc hội păng Khŭl kơ dră teh đak Hàn Quốc hlôi chih iŏk dôm tơ drong hơ drin pơ trŭt tơ drong pơ vei tơ bôl đơ̆ng 2 grŭp nghị sĩ 2 teh đak; hơ dai hăm ‘noh bơ nê kơ tơ drong lui ngeh, tơ drong ‘mêm, bơ̆ jang kơ jăp păng đei yua đơ̆ng Grŭp Nghị sĩ tơ bôl Hàn Quốc - Việt Nam hăm Grŭp nghị sĩ tơ bôl Việt Nam – Hàn Quốc.

Thuem: Tơ blơ̆