Hăm tơgoăt tơgoăl, tơchăr, tơplih ‘nao, Đảng Khul Hơnih mơdro sa Trung ương hlôi vang kơrŭn jơhngơ̆m, hơdrin yak hlŏh tơnap tap; akŏm tơlĕch lơ trong jang kơtang, jang kiơ̆ ‘lơ̆ng tơdrong jang tơ iung pơjing Đảng păng chĕp pơgơ̆r vei kơjăp, hơmet pơ ‘lơ̆ng, atŏk tơ iung tơdrong jang pơm tơlĕch tĕch mơdro kơ rim hơnĭh mơdro sa lơ̆m Khul.

Iung pơma pơrô̆ tơ̆ hop akŏm, Kơdră chĕp pơgơ̆r Dơnŏ anĭh bơ̆ jang Mŭk drăm Trung ương Trần Tuấn Anh pơma hơdăh, khei năr kơnh Đảng Khul mơdro sa păng rim hơnĭh chĕp pơgơ̆r đảng, kơdră chĕp pơgơ̆r vei lăng hơnĭh mơdro sa, hơnih mong jên lơ̆m Khŭl Mơdro sa Trung ương kăl hơnơ̆ng chĕp pơgơ̆r iung jang kiơ̆ ‘lơ̆ng bơ̆ jang tơ iung pơjing Đảng, atŏk kơtang chĕp pơgơ̆r ‘lơ̆ng đơ̆ng lơ̆m Đảng. Tơplĭh ‘nao trong jang, trŏ lăp, atŏk đei jơnei kơ bơ̆ jang chĭnh trĭ, jơhngơ̆m đon.