VOV4.Bahnar - Pơgê năr 30/9, Dơnŏ anĭh Đảng dêh char Gia Lai hlôi pơgơ̆r hop akŏm tơbăt hơdăh tơchơ̆t pôk tơmơ̆t ƀok Trương Hải Long-Kơ iĕng Kơdră chĕp pơgơ̆r Dơnŏ anĭh Đảng dêh char, Kơdră chĕp pơgơ̆r Dơnŏ anĭh vei lăng kon pơlei dêh char Gia Lai pơm Bí thư Đảng Dơnŏ anĭh vei lăng kon pơlei dêh char.

Ƀok Hồ Văn Niên- Bí thư Đảng dêh char Gia Lai pơjao hla bơar tơchơ̆t păng pôk ăn pơkao chơt hơ iă ăn kơ ƀok Trương Hải Long

Tơ̆ Hop akŏm, Dơnŏ anĭh Đảng dêh char Gia Lai tơbăt hơdăh Tơdrong Tơchơ̆t đơ̆ng Khŭl Kơdră chĕp pơgơ̆r Đảng dêh char găh tơdrong Tơchơ̆t pôk tơmơ̆t jang Bí thư Đảng Dơnŏ anĭh vei lăng kon pơlei dêh char jăl jang 2021-2026 hăm ƀok Trương Hải Long. Iung pơma tơ̆ sơng iŏk tơdrong jang, ƀok Trương Hải Long tơbăt, kơdĭh ƀok gô kơrŭn đĭ jơhngơ̆m hlŏh dơ̆ng, tơnăp hlŏh dơ̆ng hăm tơdrong pơjao; tơ iung pơjing, vei kơ jăp tơgoăt mĭnh ƀơ̆r đon, drơ̆ng lăp dĭh băl lơ̆m khŭl; pơm kiơ̆ kơ jăp hơtŏ hơnơ̆ng lơ̆m Đảng; rim tơdrong pơkăp bơ̆ jang păng atŭm khŭl Kơdră chĕp pơgơ̆r Đảng Dơnŏ anĭh vei lăng kon pơlei dêh char tơgoăt tơgoăl, yak hlŏh tơnap tap, tơdrong long păng hơnơ̆ng iung jang kiơ̆ kơ jăp lơ̆m bơ̆ jang kơ yuơ atŏk tơ iung kơ dêh char.

VOV Tây Nguyên/Amazưt tơblơ̆ nơ̆r